„Let's speak English!“ – ეს არის ჩვენი საზაფხულო ბანაკის ძირითადი სლოგანი მიონეზეს ტბაზე. როგორც დილის გაკვეთილებზე, ისე დღის მეორე ნახევრის გასართობ აქტივობებზე, დიდი ყურადღება ექცევა იმას, რომ ბავშვებმა რაც შეიძლება ხშირად ილაპარაკონ ინგლისურად. ჩვენი მრავალფეროვანი წყლის სპორტის პროგრამა და საინტერესო ვორქშოფები ორგანიზდება ამინდისა და ბავშვების განწყობის მიხედვით.

მოძრაობა წყალზე და მის გარშემო:

ბავშვებს ყოველ მეორე დღეს აქვთ შესაძლებლობა წყლის ველოსიპედით ან ნავით გაისერინონ (რა თქმა უნდა ჩვენი კოორდინატორის თანდასწრებით) ან იცურაონ.
ბანაკს აქვს საკუთარი კეთილმოწყობილი ნაპირი, სადაც ბავშვებს შეუძლიათ იბანაონ, დაისვენონ ან ენერგია დახარჯონ. მაგრამ მიონეზეს ტბა მხოლოდ წყლის სპორტით არ შემოიფარგლება – ფეხბურთი, კალათბურთი, ფრენბურთი და მაგიდის ჩოგბურთი – ყველაფერი შესაძლებელია ახალგაზრდული რეზიდენციის ტერიტორიაზე.

განსაკუთრებით მხიარულია ჩვენი ვორქშოფები და თამაშები, როგორიცაა “Capture the Flag”, ფოტოჩელენჯები ან მაისურების დიზაინი.

თუ წვიმს? არც ეგ არის პრობლემა! მაშინ იწყება გუნდური გამოწვევები, მშვილდოსნობა და სხვა საინტერესო აქტივობები.

Day Camp-ის მონაწილეებისთვის ბანაკის დღე სრულდება 17:30 საათზე.
მაგრამ ნუ იღელვებთ – მეორე დღეს დილის 8:45 საათზე ყველაფერი თავიდან იწყება: ენის გაკვეთილებითა და მხიარული აქტივობებით.

საღამოს კი ბანაკის დღე დასრულდება საერთო ვახშმით ბავშვებსა და ბანაკის ხელმძღვანელებთან ერთად, ბარბექიუთი ან კოცონთან პურის შეწვით.
შემდეგ – ფილმის ან ქვიზ-ღამე, ან უბრალოდ თავისუფალი დრო მეგობრებთან ერთად.

პროგრამა ყოველი კვირისათვის ინდივიდუალურად დგება ადგილზე და შესაბამისად შესაძლოა ცვალებადი იყოს.